Кужэҥер район Йӱледӱр селасе тӱвыра пӧртын пашаеҥышт «Шыже рецепт-влак» мероприятийым эртареныт.
Кӧн пакчаштыже могай саска кушкын, мыняр шапым ыштеныт, могай рецепт почеш кочкаш ыштат, каласкаленыт. Книгагудо пашаеҥ Светлана Михайловна Петухова рецепт книга дене палдарен, кузе аралаш кӱлмӧ нерген каласкален. Озавате-влак рецепт книгашт дене ямдылыме сийыштымат пырля конденыт.