Марий Эл Республикыште илыше шергакан ӱдырамаш-влак!
Кечын волгыдыжо да шокшыж дене темше тиде пайрем шошын тӱҥалмыжым да ылыжаш тӱҥалше пӱртӱсын моторлыкшым ончыкта. Тендан шыргыжмашда да чон шокшыда шошымсо кечыйол семынак йыр улшо-влакым ырыктат да сай кумылым пӧлеклат.
Ӱдырамаш-влак чыла жапыштат тӱрлӧ шӧрынан улмышт дене ӧрыктареныт. Ожнысек те еш тулотым араледа, чон арулык да ушан ой дене пӧръеҥ-влаклан у шӱлышым пуэда, пашаштышт сеҥымашыш шуаш полшеда. Таче ӱдырамаш-влак политикыште да мер илышыште шкеныштым чолган ончыктат, тӱрлӧ профессийлан тунемыт. Мемнан элыште илыше ӱдырамаш-влак шкеныштым чыла гаяк аланыште терген онченыт.
Кугыжанышнан элгӧргӧ политикыже эн ондак ава да йоча-влакым аралымашке виктаралтын. Марий Эл Республикысе Правительстве Россий президент Владимир Путинын кӱштымыжым тӱрыснек шукта. Регионыштына йочасад ден школ-влак чоҥалтыт, тунемме ден медицине тӧнежлаште капитально ачалымаш паша шукталтеш.
Ӱмаште Йошкар-Олаште у технологиян перинатальный рӱдерым чоҥен пытарыме. Нацпроект-влакым илышыш умбакыжат шыҥдараш тӱҥалына, тыге республикна эшеат вияҥеш да йоча-влакым ончен куштымаште сай йӧн ышталтеш.
Тыланем тыланда пиалым, йӧратымашым, сай илышым да шошо кумылым! Лишыл еҥда-влак тек эре пелендак лийыт да поро шомак дене куандарат.
Марий Эл Республикым вуйлатыше
А.А.ЕВСТИФЕЕВ.