Шымлаш йӧратат

19-22 апрельыште Йошкар-Оласе 19-ше номеран школышто «Корифеи» Х научно-практический конференций эртаралтын.

Тушто тунемше-влакын возымо проект пашаштым шым секцийыште лончыленыт. Кажныштыже 13-18 проект лийын. Ты гана тунемше-влак паша-влакым электрон йӧн дене колтеныт да тидын нерген выступатленийым ямдылен огытыл. Паша-влакым жюри радамлен да сеҥыше-влакым палемден. Теве «Филологий» секцийыште икымше верым Т.И.Александрова лӱмеш 11-ше №-ан лицей гыч А.Мокосеева ден Йошкар-Оласе 19-ше номеран школ гыч П.Ямбаршева налыныт.

А ик паша сӧрастарыме шотышто путырак шкешотан ыле. Тиде — Йошкар-Оласе 19-ше номеран школын 8-ше классыштыже тунемшыже Егор Петровын пиратстве нерген возымо проектше. Тудлан жюри кокымшо верым пуэн.