14 февральыште Марий Элыште 9-ше классыште тунемше ӱдыр-рвезе-шамычлан руш йылме дене иктешлыше собеседованийым эртарыме.
Тиддеч вара гына нуно кугыжаныш иктешлыше аттестацийыш (ГИА) ушнен кертыт. Тений тыгай собеседованийым 7 тӱжем утла тунемше эртен. Участник-влак ныл заданийым ыштеныт. Мутлан, текстым йӱкын лудыныт, ешартыш информацийым кучылтын, чыла тидым каласкаленыт да молат. Ыштен кертыныт але уке, лишыл кечылаште пале лиеш.