Россий Правительстве председательын алмаштышыже Д.Чернышенко ден Юл кундем федеральный округышто РФ Президентын полномочный представительже И.Комаров регион-влакым социально-экономически вияҥдыме шотышто совещанийым эртареныт.
Тушто Марий Элым, Мордовийым, Чуваш Республикым, Ульяновск ден Киров кундемлам вуйлатыше-влак регионым вияҥдышаш проект-влакым араленыт.
А.Евстифеев Марий Элым индустриально-аграрный кундемыш савыраш полшышо шым проект нерген ойлен.
Нуным «Кугарня» газетыште радамленна.