Шыгылешудо (чистотел) шыгыльым да вӱдотызам пытараш полша. Тыгак тудо экземе, диатез але псориаз годым пайдале. Аравамат ошемдаш полша.
Шыгылешудым мясорубко гоч колтыман да сокым пунчал налман. Ик ужаш сок ден ныл ужаш вазелиным иктеш сайын варыман.
Сок олмеш коштымо шудым кучылташ лиеш. Тудым порошок марте тыгыдемдыман.
Тиде мазьым холодильникыште аралыман.