Россий Почто Шинчымаш кече вашеш Марий Элыште илыше-влаклан 20%-лан шулдырак ак дене йоча да ийготыш шудымо самырык-влаклан пӧлеклалтше изданий-шамычлан 8 гыч14 август марте возалташ темла.
Россий Почто савыктыш пӧрт-влак дене пырля 50 печать савыктышлан 2022 ийын кокымшо пелыжлан подписке акым волтен. Акцийыш шинчымаш, шымлымаш, тӱвыра, сымыктыш, экологий да моло теме нерген возышо газет да журнал-влак ушненыт.
Периодиклан https://podpiska.pochta.ru/ сайтыште але Россий Почтын мобильный приложенийыштыже возалташ лиеш. Келшыше журнал ден газетым лӱмышт але индексышт, тыгак темым ойырен налын але алфавит дене кычал муаш лиеш. Интернет йӧн дене возалтмаш икмыняр минут жапым гына налеш.
Печать СМИ-лан почто отделенийлаште кагаз каталог дене возалташ лиеш. Эше ик йӧн уло : мӧҥгӧ гыч лекде, почтальон полшымо дене подпискым ышташ.
Газет ден журналым шкалан, родо-тукымлан гына огыл, Российын вес регионыштыжо илыше йолташланат подпискым ышташ лиеш.
Россий Почтын поро кумылым лукшо «Порылык пушеҥге» («Дерево добра») акцийже пашам ышта. Тыгодым подпискым йочапӧртлан, школ-интернатлан, илалше-влакын пӧртыштлан але ялысе книгагудылан пӧлеклаш сай лиеш. Тидлан келшыше учрежденийым ойыраш да почто отделенийыште але сайтыште возалтмылан оксам тӱлаш.
