Тений январь-апрельыште Марий Элыште 68,9 млн теҥгеаш промышленный сатум заказ почеш колтымо. Производствын индексше кодшо ий дене таҥастарымаште 3,1 процентлан кушкын.
Тидын нерген Марий Элым Вуйлатышылан промышленность, экономике вияҥмаш да торговльо министр С.Крылов каласкален. Тудын мутшо почеш, нефтепродуктым вич пачаш шукырак ыштен лукмо, автотранспорт средствам, прицепым да полуприцепым – 29 процентлан, коваште гыч ыштыме сатум – 22,9 процентлан, машина ден оборудованийым – 16,8 процентлан, полиграфий сатум – 15,6 процентлан. Тылеч посна пищевой промышленностьышто, электрон сату ден оптикыште сай паша палдырнен. Тыге 2023 ийыште производствын индексше 2,7 процентлан ешаралт кертеш.
Ялозанлык отрасльыште ныл тылзыште 15,1 млрд теҥгеаш сатум ыштен лукмо, кодшо ий дене таҥастарымаште – 100,4%.