Марий Элым Вуйлатыше Ю.Зайцев 2024 ийысе иктешлымаш дене палдарен.
Кодшо ий годсек кум да тылеч утларак йочам ончен куштышо ешым шуко шочшанлан шотлат. Тидлан кӧра 3500 утла еш тыгай статусан лийын да тӱрлӧ полышым налаш тӱҥалын.
- 11 633 еш полышым налын,
- 26 954 йочам авалтыме,
- 585,9 млн теҥге выплатым тӱлымӧ.
У да уэмдыме полыш пуалтын:
- Кажне йочалан школ формым налаш кажне ийын 7 330 теҥгем тӱлымӧ. 2024 ийыште тудым 19 961 тунемшылан пуымо. Тений 1 февраль гыч ты выплатым 8027 теҥге марте кугемдыме.
- Транспорт дене кудалышташ кажне тылзын пуымо окса кугыт 2024 ийыште 1 140 теҥге марте кушкын. Ондак тудо тунемшылан 512 теҥге лийын, студентлан – 677. Тиде йӧн дене кодшо ийын 24 186 йоча пайдаланен. Тений 1 февраль гыч ты выплате – 1249 теҥге.
- 2025 ий 1 февраль гыч регионысо ава капитал 89 984 теҥгеш шуын. Тудым, йоча шочмеке, вигак оформитлаш лиеш. 2024 ийыште ты ава капиталым 938 еш налын, тидлан 77,6 млн теҥгем ойырымо.
Чыла полыш ешын илен лекташ ситыше кугытым ончыде пуалтеш.
- Таче тӱҥ задаче – аза шочмашым шукемдаш, еш поянлыкым, ава лиймашым да йоча жапым аралаш. Мутат уке, ме кум да утларак икшывым ончен куштышо ача-ава-шамычлан полшаш тӱҥалына, – палемден Марий Элым Вуйлатыше.