Марий Эл Республикысе пожар ваштареш кучедалше службын кугыжаныш виктемже ушештара:
шуко икшыван еш-влаклан, ешыште кажне еҥлан доход илен лекташ ситыше кугыт деч шагал гын, пожар лӱдыкшым эскерыме йодмашлан келшен толдымо электрооборудованийым, коҥгам, тӱньыкым олмыкташ, тыгак автономный пожар извещательым налаш окса роскот пӧртылталтеш.
Тыгай роскотым пӧртылтымӧ радамым Марий Эл Республикысе Правительствын 2015 ий 6 мартыште лукмо 100-шӧ номеран пунчалже дене пеҥгыдемдыме.
Пожар лӱдыкшым эскерыме правил-влакым шуктыза! Шаланыше электроприборым да электрооборудованийым ида кучылт. Вакшыште тамакым ида шупш, поснак йӱшывуя. Йоча-влакым шкетыштым ида кодо, нунын деч шырпым шылтыза!
Пожар деч утарыше-влакын телефонышт – 01, 101, 112.