2022 ий гыч Марий Элысе школ-влакым федеральный программе почеш капитально олмыкташ тӱҥалыт. Тиде нерген Марий Эл Республикысе образований министр Лариса Ревуцкая «Радио России Марий Эл» эфирыште каласен. Министрын мутшо почеш республикыште шуко школым капитально олмыктыман, садлан Марий Элым ты программыш пуртымо.
Тений куд ялысе школым ачалат, а 2023 ийыште – кокытым. Кызыт эше 12 школым олмыкташ документ-влакым ямдылат.