Социальный сетьлаште 10 тӱжем утла подписчикым погышо паблик ден канал-влак шке семын верификацийым эртен кертыт. Туддеч вара Роскомнадзор нуным кӱлеш переченьыш пурта, увертара РИА «Новости».
Оза шкеже да канал нерген чыла тӱҥ сведенийым «Госуслуги», Роскомнадзорын сайтше гоч але социальный сетьыште чат-бот полшымо дене колтышаш. Тушто чыла информаций шифроватлалт аралалтеш.
Пабликым ты переченьыш пуртымо деч вара шижтарымаш толеш, а каналыште тергаш шкешотан ссылкан лӱмын пале ончыкталтеш. Тыгай лаштыклаште рекламым вераҥдаш да донатым налаш лиеш. Верификацийым эртыме огыл гын, постым вераҥдаш чарак ышталтеш.
freepik сайт гыч налме фото.