Марий Элыште тений январь гыч сентябрь марте 4854 аза шочын. Йошкар-Олаште 2035, Волжск олаште 359, Козьмодемьянск олаште 132 аза ош тӱням ужыныт.
Шуко йоча Медведево (633), Звенигово (267), Морко районлаште (224) шочын.
Тыгодым тиде жапыште шагал огыл еҥын ӱмыржӧ кӱрылтын. Январь гыч сентябрь марте 8009 еҥ колен. Эн шукыжо Юрино, Курыкмарий, У Торъял районлаште илыш дене чеверласеныт.
Кодшо ийласе тыгаяк жап дене таҥастарымаште пел ийыште 19,8 процентлан шукырак ӱдыр-каче мужыраҥын да 17,3 процентлан шукырак вате-марий ойырлен: 100 гыч 77 мужыр.