Йошкар-Ола администрацийын тергыше отделже кече еда пӧрт-влак воктенысе площадкым, тӱрлӧ организацийлан эскераш пуымо вер-влакым тергат.
Нуно кушшо шудым, кудалтен кодымо шӱкшакым, чоҥымо деч вара кодшо торым кычалыт. Тыгайым муыт гын, предписанийым ыштат, протоколым возат. Кок тылзыште комиссий 36 административный пашам тарватен, титаканым мут кучаш шогалтен. Правил почеш шудо 15 см деч кӱкшырак лийшаш огыл, лӱмын келыштарыдыме верлаште шӱкым кышкаш ок йӧрӧ.