Нине кушкыл гыч ямдылыме чай вӱргорным пеҥгыдемдаш, тургыжланыме да стресс годым вуй корштымо деч утлаш полша.
Коштымо чуварнужым, кӱртньышудым, валериане вожым да мӱкшпеледыш лышташым икнаре налза да тыгыдемдыза. Кок кугу совла тыгай шудо чайыш 300 мл шолшо вӱдым опталза да пел шагат шинчыктыза, вара шӱрен налза. 100 мл тыгай чайым кочмо деч ончыч кечеш кум гана арня мучко йӱман.
Чуварнуж вӱргорно спазм деч утлаш полша, нерве системым лыпландара, артериальный давленийым нормыш конда, вӱрыштӧ холестериным шагалемда. Кӱртньышудо ден мӱкшпеледыш нерве системылан пайдале улыт. Валериане тыгак нерве системым лыпландара, давленийым волта, вуй корштымым чара.
https://www.freepik.com/ сайт гыч налме фото.