Коронавирус инфекций ынже шарле манын, республикыште у йодмаш-влакым лукмо.
Общественный верлаште маскым але респираторым чийыман, организацийлаште пашаеҥ да клиент-влаклан кидым дезинфицироватлаш йӧным ыштыман, кажне шагатыште санитарный обработкым ыштыман.
Вес регион гыч толшо еҥ-влак 14 кече самоизоляций режимым шуктышаш улыт. Тылеч посна республикыште илыше-влак уремыште перныл коштшаш огытыл, а мӧҥгыштӧ шинчышаш улыт.
Теве 17 апрельыште Россий МВД-н «Медведевский» МО-жын участковыйжо, Марий Эл Республикын социальный вияҥмаш министерствын да Медведево районысо социальный обеспечений шотышто комплексный рӱдерын пашаеҥышт рейдовый мероприятий-влакым эртареныт.
Ты кечынак Оршанке район Марково ялыште да Оршанке посёлкышто Росгвардий ден полиций пашаеҥ-влак, Марий Элысе образований да науко министерствын да район администрацийын еҥышт самоизоляцийым шуктымо шотышто калык дене мутланеныт, тысе ужалыме вер ден организацийым тергеныт. Ты шочмын да кушкыжмын нуно Шулко селаште, Чирки ден Изи Каракша яллаште тыгаяк мероприятий-влакым эртареныт. Кум кечыште 10 протоколым возымо.
Самоизоляций манме правилым шуктыдымылан протоколым возат, тудым судыш колтат. Мыняр кугытан штрафым пуымым суд решатла.