Кугыжаныш Думышто шоя (подделке) кочкыш сатум ыштымылан уголовно мут кучаш шогалташ темленыт. Южо производитель сатум ыштыме годым, акым шулдештараш манын, уда ингредиентым кучылтеш. Мутлан, тиде шӧр кочкышыште, шылыште, аракаште, кушкыл ден вольык ӱйыштӧ, мӱйыштӧ, чайыште да кофеште шукыж годым палдырна.
Кугыжаныш Думын аграрный йодыш-влак шотышто комитетын председательже В.Кашинын мутшо почеш, южо еҥ тыгай кочкыш дене кола. Тудо Уголовный кодексыш тӧрлатымашым пурташ йодын.