Таче, 15 ноябрьыште«Регионы России в военной истории страны» V всероссийский научно-практический конференцийым Я.Эшпай лӱмеш Марий кугыжаныш филармонийыште почмо. Тудым В.М.Васильев лӱмеш МарНИИЯЛИ ынде визымше гана эртара.
Конференций кок кече шуйна. Тений тышке 30 кундем гыч 60 учёный ден военный историк-влак ушненыт.
Конференций Сталинградысе кредалмаште фашист войскам сеҥымылан 80 ий теммыжлан пӧлеклалтын. Сталинградысе сеҥымаш – патырлыкын, геройлыкын, пеҥгыдылыкын примерже. Шуко жап эртен гынат, элын историйжым кызыт утларак келгын шымлыман, шоя уверла деч эрныман. Таче СВО-што Российысе салтак-влак шке профессионал улмыштым ончыктат, тидыжат ончыкыжым кышам кода.
Тиде конференций историк-влаклан эртыше жапым шымлымаште вашлиялтше нелылыкым рашемдаш полшышаш.
Эльвира Терентьева.