1 гыч 31 июль марте Марий тӱр рӱдерын «Вконтакте» соцсетьысе тӱшкаштыже «Марий шовыр» фотоконкурс эртаралтын. Тӱрлӧ кундем гыч 35 паша пурен.
Жюрилан аклаш моткоч неле лийын, вет кажне фото ойыртемалтше, вургемыштат шкешотан. Туге гынат эн сӧралжым ойыреныт.
Сеҥыше-влакым икмыняр номинаций дене палемденыт:
«Гран-при» – Полина Пуртова (Кужэҥер район),
«Сӱан шовыр» – Нина Тятюкова (Курыкмарий район),
«Кӱжгӱ шовыр» – Елена Никитина (Морко район),
«Пайрем шовыр» – Эльвира Монахова (Йошкар-Ола),
«Йоча шовыр» – Эрвина Пушкина (Йошкар-Ола),
«Тукымвий» – Алена Курсанова (Сургут),
«Кажне кечын чийыме шовыр» – Оксана Ефремова (Шернур район),
«Чолга участник» – Лиана Федорова (Татарстан республик),
«Марий вургемын тичмаш поянлыкшым эн сайын ончыктышо» – Зоя Дудина (Йошкар-Ола).
«Ойыртемалтше вургем ден сӧрастарыш» – Римма Полушина (Киров кундем).
