Соцкыллаште «Национальность.ru» шоу-программе Российыште илыше тӱрлӧ национальностян калык дене умбакыже кокымшо тургымышто палдараш тӱҥалеш.
Ты шоу элыштына илыше тӱрлӧ калыкын йӱлаже, религийже, тӱвыраже, йылмыже, кочкышыжо нерген сюжетым ямдыла. Ик тургымышто 50 тӱрлӧ калыкын историйже дене палымым ышта. Кокымшо тургымышто шуэн вашлиялтше калыкын историйжым войзат да ончыктат.
Мут толмашеш, элыштына 190 наре национальностян калык ила, но южо еҥже тушеч 10 калыкшымат каласен огеш сеҥе. Садланак, тыгай шоум ямдылаш шонымаш лектын.