Шотыш нал

Кызыт тунемше ден студент-влак «ушан» каникулышто улыт. Тыгодым нунын режимышт пудыргышаш огыл. Тыгай ынже лий манын, теве мом шотыш налман:

  • кече эртыме радам канаш лекме деч ойыртемалтшаш огыл. Уке гын уэш тиде режимыш куснаш неле лиеш;

  • 3-4 шагат занятийым колыштмеке, айдемын тӱткылыкшӧ йомеш, садлан канаш жапым муман;

  • йӧн лийме семын гаджет-влак дене шагалрак пайдаланыман, шукырак жапым яндар южышто эртарыман;

  • пӧлемым южтарыман да арверла ӱмбалне пуракым ӱштман;

  • режим почеш кочман: эр кочкыш, кечывал, кас кочкыш. Тыгак коклаште емыж-саскамат пурлаш лиеш.