Шотыш кондымо

Морко районын прокуратуржо интернетыште Октябрьский посёлкышто теплотрассым шотдымын кучымо шотышто возымым терген.

Пале лийын: посёлкысо Рӱдӧ уремыште юж теплотрассе кая, кужытшо — 40 метр. Тудо шуко пачеран кум пӧртым, кыдалаш школым да йочасадым ырыкта. Но пучын ик ужашыштыже изоляций пытен. Обслуживатлыше организацийын директоржылан предписанийым лукмеке, экшыкым кораҥденыт.

Дарья Гомзина.