Теле гыч шошыш куснымо годым айдемын организмыштыже, койыш-шоктышыштыжо тӱрлӧ вашталтыш лиеш. Тыгай годым лудшына-влак мом ыштат? Тазалыкым кузе пеҥгыдемдат?
Надежда Акиева, Йошкар-Ола:
– Кажне еҥлан, мутлан, Д витамин кӱлеш, молыжым организмын йодмыжо почеш приниматлаш лиеш. Шытен лекше ошшыдаҥын кылмыктыме сокшым кажне эрдене йӱам, бассейныш коштам да чонлан келшыше сомылым шуктем. Тидыжым таза да эреак нӧлтшӧ кумылан еҥын ик кугу секретшылан шотлем. Сандене шошым тӱрлӧ авитаминоз да тӱрлӧ чер ынже темдал манын, спорт дене пеҥгыде кылым кучыман, йӧратыме пашам ыштыман, пайдале кочкышым да витаминым приниматлыман, шкан кече гае лийман!