Марий Элыште илыше пагалыме еҥ-влак!
Марий Эл Республикын Кугыжаныш Погынжо лӱм дене саламлем тендам Шошо да Паша пайрем дене!
Тиде пайрем кажне россиянинлан шерге да чынже денак уло калыкынлан шотлалтеш. Кугурак тукым тудым самырык жапше, усталык корныжо да романтик шӱлышан кугу пашаже дене кылда, молодёжь гын – шошын уэмдалтмыже, у йӧнжӧ да тӱҥалме паша дене. Тыгодым 1 Май тӱрлӧ калыклан, тӱрлӧ конфессиян да шонымашан еҥ-влаклан тыныслыкын, келшен илымашын да вашла умылымашын символышт эреат лийын да кызытат тыгак кодеш.
Икымше Майын эн сай йӱлаже семын ме ты кечын пашаче еҥым чапландарена. Пагалыме землякна-влак, лачак тендан сайын пашам ыштымыда да чолга илыш позицийда республикнан сеҥымашыжлан кугун полша.
Поснак кугу таум каласыман Кугу Отечественный сарын неле пагытлаштыже Шочмо элым аралыше-влаклан, кӧмыт шке примерышт дене калык озанлыкым уэмдымаште патырлыкым да чытышым ончыктеныт, вий-куатыштым, шинчымашыштым да талантыштым шочмо кундемна ден кугу элна, Россий, верч чаманен огытыл. Ӱшанем, Марий Элысе самырык тукым шке геройло тукымжын пашажым умбакыже шуя.
Тек шошо пӱртӱсын моторлыкшо Марий кундемысе чыла еҥлан поро пашалан кумылым пуа, шке ончылан шындыме шонымашлан ӱшаным пеҥгыдемда.
Пеҥгыде тазалыкым, еш пиалым да поро пашаште сеҥымашым!
М.З.Васютин,
Марий Элысе Кугыжаныш Погынын Председательже.