Марий Эл Республикыште илыше пагалыме еҥ-влак!
Кугыжаныш Погынын лӱмжӧ дене Икымше Май – Шошо да Паша – пайрем дене саламлем!
Тиде чыла ийготан, национальностян, конфессиян да шонымашан еҥ-влаклан пӱртӱсын да тӱзатымашын куанжын, тыныс илышын да вашла умылымашын, порылыкын да чынлыкын символышт улыт. Мо дене республикна кугешна, тиде, пагалыме йолташ-влак, тендан пашаче, талантан, ответственный, таратыше улмыдан лектышыже. Шке тыршымаш дене тендан кокла гыч кажныже посна предприятийым, изирак селам але олам, тугеже шочмо кундемым да Российым тӱзата. Мемнан кидыште – элыштына вашлиялтше чыла тергымашым эрташ, айдемын паша куатшым почаш сай йӧным ышташ, пашазе профессийын престижшым нӧлталаш, пашам да пашаче калыкым йӧратыме шӱлышеш самырык тукымым шуараш.
Марий Эл Республик ден Россий Федерацийым вияҥдышаш верч шке вийым да шинчымашым пуышо кугурак тукымлан, пашан ветеранже-влаклан тауштем.
Чылалан поро тазалыкым, пиалым да улан илышым тыланем! Тек паша кажнылан куаным конда, а нине шошо кече-влак майысе шыргыжше кече да эрласыш ӱшаным ешарат, чулымлык ден сайлан ӱшаныме кумылым пӧлеклат.
А.В.Смирнов, Марий Эл Кугыжаныш Погынын Председательже.