Марий Элыште шошо агалан ямдылалтыт.
Тений озанлыклаште 307 тӱжем гектарыште ялозанлык культурым вераҥдышаш улыт. Кызыт чыла сомыл икияш культурым жапыштыже ӱдаш тӱҥалаш манын шукталтеш. Тылеч посна 47,5 гектарыште кокияшым ӱден кодымо, тышеч шыдаҥ – 20 тӱжем гектарыште, уржа – 24 тӱжем гектарыште, моло культур – 3,5 тӱжем гектарыште. Икияш пырче тенийлан 26,5 тонн кӱлеш, тудым шыжым шапаш дене 26,7 тонным аралаш пыштыме.