Шошо тӱҥалеш ма уке, южгунам шоптыр вондым ужар тий (тля)-влак налыт. Тыгай годым химий препаратым кучылташ але тыгак калык рецептлан эҥерташ лиеш.
- 200 г шоган шӱмыш 10 литр леве вӱдым опталза да 12-15 шагат шинчыктыза, вара шӱрыза. Шоганын шӱмжым вондо йымак пыштыза, растворым лышташ ӱмбак шыжыктыза.
- Чеснок гычат пайдале растворым ышташ лиеш. 1 литр вӱдыш 200 г тыгыдемдыме чеснокым пыштыза да 3-5 кече шинчыктыза, вара шӱрыза. 10 литр вӱдыш 50 мл ты растворым пыштыза да шоптыр вондыш шыжыктыза.
- Кочмо содо деч ыштыме вӱдым ужар тий ваштареш кеч-кунамат шыжыкташ лиеш. 10 литр вӱдыштӧ 75 г содым шулыктарыза да вондерлаш шавыза.