Шопке паразитым пытара

Тидлан тудын шошым погымо шӱмжым але кичкыжым кучылтман.
Пел литр ош аракаш 50 грамм шӱмым але кичкым пыштыман, пычкемыш верыште кок арня шинчыктыман. Шӱрыман. Настойкым ик изи совла дене кечеш кум гана (¼ стакан леве вӱд дене вараш лиеш) яра пагареш йӱман. 20-30 минут гыч гына кочман. Тыге кум арня эмлалтман. Вара арня каналтыман да уэш эмлалт кертыда.
Лемымат ышташ лиеш. Ик стакан шокшо вӱдыш ик изи совла коштымо да тыгыдемдыме шӱмым але кичкым пыштыман, изи тулышто ик-кок минут шолтыман, вара эше ик шагат шинчыктыман, шӱрыман. Ты лемым ик кечыште, кок але кум ганалан пайлен, яра пагареш йӱман, 20-30 минут гыч гына кочман. Тыге кум арня эмлалтман. Арня каналтыман да уэш эмлалтман.
Шопке паразитым веле огыл пытара, тыгак давленийым волта, циститым, простатитым эмла. Йыжыҥ корштымо да шӱлымӧ корнысо чер годым пайдале, пуалмым пытара.
Шекланыза. Изи давлений, вӱр йогымо, запор, шекшкалташте кӱ улмо, чызе шӧр дене азам пукшымо годым, мӱшкыран ӱдырамашлан, шым ияш марте йочалан шопке дене эмлалташ ок лий.