
Ик тылзе весе деч ойыртемалтеш, кажныже иктаж-мом ум конда, ала-молан туныкта. Сандене тылзе мучаште тудын кузе эртымыже, могай пайдам кондымыжо, могай лектыш лийме нерген иктешлымашым ышташ кӱлеш. Тиде ончыкылык шонымашыш шуаш кугу полышым пуа.
Иктешлымашым ышташ шкалан икмыняр йодышым палемдыман:
- Тиде тылзын кӧ дене вашлийында? Нуно могай кумылым луктыныт?
- Могай книгам, газетым, статьям лудында? Шкалан мом ум налында?
- Могай кином, видеом онченда? Мо шотышто нуно шоналташ таратеныт?
- Мом ум ты тылзын налында?
- Иктаж сай привычкым шкалан палемден коденда?
- Тазалыкдам аралаш манын, мом ыштенда?
- Мыняр куаным тиде тылзе тыланда конден?
- Шкалан, лишыл еҥлан, йолташ-влаклан таумут-влакым возыза але каласыза.
- Идалыклан шындыме цельышкыда шуаш мом ыштенда?
- Тиде тылзе нерген шонымашдам кок ойлончышто возыза.