Шокшо перыме годым шӱлаш неле, коваште чеверга, температур кӱза, вуй савырна да коршта, укшинчыкта, кап чытыра, галлюцинаций лийын кертеш. Мом ыштыман?
- Ӱмылан верыш кораҥдыман.
- Уто гана тарватылман огыл. Кеч-могай тарванылмаш организмлан йӱкшемашыже чаракым ышта.
- Ушым йомдарыме годым йолым вуй деч 10-15 сантиметрлан кӱшкырак нӧлтыман. Тыге нерве системын юж деч шужымыжым (кислородное голодание) чактараш лиеш.
- Вургемым кудашман.
- Саҥгашке йӱштӧ компрессым пыштыза. Тудым 30-60 минут гыч вашталтыза.
- Капкылым йӱштӧ вӱд дене чывылтыман. Тидын годым вӱдын температуржо 20 градус деч йӱштӧ лийшаш огыл.
- Еҥ вуйушым йомдарен огыл гын, вигак леве вӱдым йӱктыман. Ик стакан вӱдыш изишак шинчалым пыштыман.
- Яндар южышто лийман.
- Еҥ вуйушым йомдарен гын, нашатырь спиртым, ваткыш тушкалтен, ӱпшынчыктыман.
- Вуйушым йомдарыше еҥым укшинчыкта але роҥгедыкта гын, капшым пелвек савыралман, вуйжым изиш ӱлыкыла ыштыман. Тидлан вуй йымаке солыкым пӱтырал пышташ лиеш.
- Еҥ ок шӱлӧ, шӱмжӧ ок кыре гын, искусственный шӱлышым але шӱмлан массажым ыштыман.
- Еҥым йӱштӧ вӱдыш, душыш пурташ, оҥышко да тупышко компрессым пышташ ОГЕШ ЛИЙ!
- Чот кугу температур годым эм ок полшо гын, врач деке кайыман.