Таче куржталаш йӧратыше-шамычын «Шокшо лум» челенджлан стартым пуымо. Тудым кажне телым Йошкар-Оласе «Айвика» клуб эртара. Тушко куржталаш йӧратыше але куштылго атлетике дене профессионально заниматлыше кажне кумылан еҥ ушнен кертеш. Тений челленджыш 50 наре еҥ ушнен.
Тудо 70 кече шуйна. Участник-шамыч вич еҥан командым чумырат, капитаным ойырат. Кажне командын лӱмжӧ да девизше уло. Лу арня жапыште эн шуко меҥгым куржын эртыше команде сеҥышыш лектеш. Палемдыман, ик кечыште кум меҥге деч шагал огыл дистанцийым куржын эртыман.