Марий Элысе Перинальный рӱдерыште икымше азам ыштыше авалан «Шочшо азалан пӧлек» наборым кучыктат. Тудым выписатлалтме годым пуат. Тушко азалан келшыше арвер-влакым чумырымо.
Тыге наборыш азан документше-влакым иквереш погаш йӧнан папкым, йоча коваштылан келшыше кремым, салфеткым, шовыным, кочкышым ырыктыше стерилизаторан настам, капюшонан пушкыдо солыкым, флис гыч ыштыме леведышым, электронный градусникым, модышым пыштыме.
Тыгай наборым налше ава вич тӱжем наре оксам аныклен коден сеҥа. Тудым налаш нимогай йодмашым возыман огыл.