«Шочмо кундем – чон пӱрымашем»

Марий Элыште да моло кундемыште илыше студент ден школышто тунемше марий ӱдыр-рвезе-влакым конкурсыш ушнаш ӱжыт!

Историй, топонимике, устный калык творчество да кундемдан чапланыше еҥже-влак нерген возен колтен кертыда.

Конкурс Российыште шанче да технологийлан лу ий темме да Туныктышо, наставник идалыклан пӧлеклалтын.

Паша-влакым икмыняр номинацийыште вучат:

1. «Шочмо вер эн чевер / Туан сӓндӓлӹк сек цевер» («Край родимый
самый красивый») ( шочмо кундемын топономийже да историй дене шымлыме паша ден реферат);
2. «Йӧратыме вершӧр да калык ойпого / Яратымы сӓндӓлӹк дӓ халык
творчестве» («Любимый край и устное народное творчество») (шке кундемысе ойлымаш, муро, йомак, преданий-влакым шымлыме паша ден реферат);

3. «Нунын дене кугешнена / Нӹнӹ доно когоэшненӓ» («Мы гордимся
ими») (Кундемыште чапланыше еҥ-шамыч нерген реферат да шымлыме паша).

Конкурсыш ушнаш манын, йодмашым (положений гыч 3, 4 але 5 приложенийым) marimlande@mail.ru электрон адресыш колтыман. Ик участник ик пашам гына аклаш пуэн кертеш. Положенийым кугарня24.рф сайтыште муаш лиеш.

Паша-влакым 2022 ий 25 октябрь гыч 2023 ий 15 ноябрь марте вучат.

Конкурсыш колтымо материал марий йылме дене возымо лийшаш!

Сеҥыше-влакым Марий тиште кече пайремыште палемдат.

Иван РЕЧКИНЫН фотожо.

Положение_Шочмо кундемем_25.10.2022