16 сентябрьыште, Российын сулло, Марий Элын калык сӱретчыже Иван Ямбердов 69 ияш лӱмгечыжым палемда.
Иван Михайлович 1955-ше ийыште Юлсер кундем Чодыраялыште шочын. Уста марий сӱретче 1983-шо ий гыч Россий художник ушемын еҥжылан шотлалтеш. Тудо ятыр портрет да пейзажын авторжо. «Сандалык», «Йошкар имне-влак», «Ӱшан», «Овдасола-92» да «Мӱкш отар» сӱретше-влаклан 1993-шо ийыште кугыжаныш премий дене палемдалтын.
Иван Михайловичын пашаже-влакым Российысе тӱрлӧ олаласе да йот элласе тоштерлаште ужаш лиеш. Иван Ямбердовын икмыняр сӱретше тыгак мемнан «Кугарня» редакцийыштына аралалтеш.
Иван Михайловичым «Кугарня» газет редакцийын коллективше алал кумылын лӱмгечыже дене саламла. Ончыкыжымат у, шонаш таратыше радынам шочыкташ тыланена. Шочмо кече дене!
Петр Васильевын фотожо.