25 ноябрьыште Кокласола лийцейыште Морко кундемласе школлаште этнокультур предметлам туныктышо-влакын семинарышт лийын. Темыже – «Шочмо йылме да сылнымут уроклаште функционал грамотностьым кучылтмаш».
Кокласола лицейыште тунемшат ятыр, икшывым шочмо йылмылан, сылнымутлан да тӱвыралан шӱмаҥден шогышо туныктышо-влакат шукын улыт. Нина Вениаминовна Аркадьева, Вячеслав Емельянович Смирнов, Ольга Викентьевна Тимофеева, Алевтина Поликарповна Михайлова да Зоя Петровна Иванова кушкын толшо самырык тукымын нӧргӧ шӱм-чонышкышт шочмо калыкын сӧрал ямжым шыҥдарен шогат. Кокласола лицейыште ужмо виш урок да мастер-класс-влак чыла марий туныктышо-влаклан пример семын лийыныт.
Елена Григорьева, Морко кундемысе марий йылме туныктышо-влакын методушем погын вуйлатышышт.
Снимкыште: Кокласола лицейын ИКН туныктышыжо А.П.Михайлова виш урокым эртарымыж годым.