Ончыкылык шымлызе, журналист, возышо-влакым кычалме, йоча-шамычым шочмо йылме дене сераш, шке тукымым, кундемым, йӱлам да тӱвырам шымлаш таратыме шонымаш дене Марий Эл Республикысе тӱвыра, печать да калык-влакын пашашт шотышто, тыгак Образований да науко министерстве-влак, В.М.Васильев лӱмеш МарНИИЯЛИ, «Кугарня» газет редакций, Республикысе шочмо йылмым туныктышо-влак Ассоциацийын советше, Марий калык конгресс пырля «Шочмо йылме возаш кумылаҥда / Туан йӹлмӹ сирӓш кымылангда» регион-влак кокласе конкурсым эртареныт. Тушко республикнан куд районжо, Йошкар-Ола да Татарстан кундем Кукмор районласе школла гыч 42 паша пурен. Участник-влакым кум номинаций дене аклыме.
Утларакшым сай паша-влак лийыныт, шукын марла возеныт (тидлан жюри кугурак баллым шында), икмынярыштлан туныктышо-влак утыжым полшеныт (тидлан балл шагалрак лиеш), шукынжо шке возеныт. Чыла тидым жюри шотыш налын.
Тыге «Нунын дене кугешнена / Нӹнӹ доно когоэшненӓ» номинацийыште 1-ше верым Кирилл Ананьев (Морко район, Коркатово лицей, 11-ше класс), Алина Евсюткина (Морко, Унчо школ, 10-шо кл.), Кирилл Кузьмин (Волжский, Карай школ, 7-ше кл.), Мариэлла Волкова (Советский, Роҥго школ, 4-ше кл.) налыныт.
2-шо верыште – Дария Маркова (11-ше кл.), Андрей Синичкин (8-ше кл.) ден Максим Медяшкин (3 кл.) Курыкмарий район Пӹзыкныр, Красноволжский ден Усола школла гыч.
3-шо верыште Варвара Шабалина (Марий Турек, Хлебниково, 4-ше кл.), Волжский район Памар школ гыч Милена Крылова ден Ангелина Решетникова (8-ше кл.) да Алексей Васильев (3 кл.), Кугу Корамас школ гыч Анастасия ден Анна Михайловамыт (11-ше ден 7-ше кл.) улыт.
«Шочмо йылме мемнан поянлыкна / Туан йӹлмӹ – мӓмнӓн пайдана» номинацийыште 1-ше верыште Дионисий Григорьев (Волжский, Карай школ, 7-ше кл.), Анна Ямаева (И.С.Палантай лӱмеш тӱвыра да сымыктыш колледжын национальный гимназийже, 4-ше кл.), Влада Александрова (Татарстан, Кукмор, Уял школ, 10-шо кл.).
2-шо вер – Елена Львова (Курыкмарий район, Красноволжский школ,11-ше кл.), Елизавета Исламова ден Софья Ишкеева (Татарстан, Кукмор район, Уял школ 8-ше кл.), Елизавета Купцова (Йошкар-Ола, 28-ше №-ан лицей, 2-шо класс).
3-шо вер – Марина Николаева (Советский, Кельмаксола школ, 6-шо кл.), Дарья Харитонова (Морко, Унчо школ,10-шо кл.), Ксения Кунакбаева (Татарстан, Кукмор, Уял школ, 10-шо кл.).
«Мыйын тукымем / Мӹньӹн йыхем» номинацийыште 1-ше верыште – Степан Головин (Звенигово, Керебеляк школ), 3-шо класс, Руслан Савкин ден Елена Самойлова (Курыкмарий район, Микрӓк школ, 6-шо кл.).
2-шо вер – Полина Пушкина (Волжский, Пӧтъял школ, 7-ше кл.), Аль-Анси Амира (Звенигово, Шолэҥер школ, 7-ше кл), Даниил Родыгин (Кукмор район, Уял школ, 3-шо кл.)
3-шо вер Кирилл Гусев (Медведево, Знаменский, 6-шо кл.).
Чылаштым шокшын саламлена!
Эн сай статья-влакым 2025 ий мучко «Кугарня» газетыште савыкташ тӱҥалына.
Ирина Степанова.
М.Скобелевын фотожо-влак.