Марий Элысе тӱвыра, печать да калык-влакын пашашт шотышто министерстве Шочмо йылме кече вашеш флешмобым эртара.
Тидлан марла йоҥгалтарыме почеламутым видеош войзыман. Тудо ик минут деч кужу лийшаш огыл. Видеом министерствын «ВКонтакте» соцкылысе тӱшкаштыже «предложить новость» але «сообщение» блокышкыжо темлыман. Тудын дене пырля лӱмым, фамилийым, ийготым возен колтыман. Паша-влакым министерствын пабликыштыже вераҥдат. 27 февральыште тудым «ВКонтакте» соцкылысе тӱшка лаштыкыште иктешлат. Кум ойыртемалтше пашан авторжо-влаклан Йошкар-Оласе кеч-могай театрыш билетым пӧлеклат.
Автор-влакым эн сайын лудшо, видеом войзымо годым эн ойыртемалтше верым ойырымо, эн сай вургемым чийыше-влак коклаште палемдат!