Шочмо (руш огыл) йылме дене тунемше-влаклан руш йылме дене олимпиаде Озаҥыште 12-15 июньышто эртен.
Тушко олимпиадын онлайн турыштыжо сеҥыше-влакым ӱжыныт. 12 июньышто Татарстанын рӱдолаже Российын 17 субъектше да Азербайджан, Казахстан, Киргизстан, Узбекистан, Туркменистан гыч делегаций-влакым вашлийын. Тушко 8-ше да 10-шо классла гыч чылаже 163 тунемше погынен.
Олимпиаде Татарстан Республикысе Образований да науко министрествын Олимпиаде рӱдержын «Дуслык» оздоровительно-образовательный комплексыштыже эртаралтын. 13 июньышто участник-влак практический (письменный) турышто, а 14 июньышто теоретический (устный) турышто вийыштым тергеныт. Тыгак мемнам оҥай культур программе вучен. Озаҥ олан сылне верлажым ончыктен коштыктеныт, «Озаҥ Кремль» тоштер-заповедникыште лийынна. Карим Тинчурин лӱмеш Татар кугыжаныш драме да комедий театрыште «Икымше йӧратымаш» спектакльым онченна.
15 июньышто В.И.Ленин лӱмеш тӱвыра лда каныме комплексыште олимпиадым иктешлыме. Ты олимпиадыште Морко район Унчо школ гыч кум тунемше шке вийнам тергенна. Виктория Петрова (10-шо класс) дене коктын призёр радамыш лектынна. Тидлан руш йылмым да литературым туныктышына Надежда Альбертовна Григорьевалан кугу таум каласена.
Ольга Степанова.
Морко район.
