13-14 декабрьыште Москошто Россий Федерацийысе калык-влакын шочмо йылмышт дене туныктышо-шамычлан съезд эрта.
Тушко регионысо да муниципал орган-влак гыч школышто туныктышо, колледж ден ешартыш шинчымашым пуышо тӧнежла гыч туныктышо-влак каеныт. Нуно «Шочмо йылме ден шочмо литератур»(«Родной язык и родная литература») да «Шочмо йылме да шочмо йылме дене литературно лудмаш» («Родной язык и литературное чтение на родном языке») уэмдыме кугыжаныш образовательный стандарт дене кузе пашам ыштыме шотышто каҥашат.
Мастер-класслаште туныктышо-влак шочмо йылмым туныктымаште тӱрлӧ у йӧным кучылтмышт дене палдарат.
Погынын пашажым иктешлен, участник-влакын выступленийышт дене электрон сборникым ямдылат.
Тиде съездыште Марий Эл гыч Лидия Иксанова (Калыкле сымыктыш гимназий, Йошкар-Ола), Любовь Сергеева (Волжский, Карай), Светлана Максимова (Параньга, Матародо), Лиана Юркина («Синяя птица» гимназий гыч), татар йылмым туныктышо Гольсара Хатиуллина (Морко район, Нурӱмбал) пашам ыштат.
