Российыште илыше калык-влакын шочмо йылмышт да литератур дене школышто тунемше-влаклан федеральный олимпиаде 29 профиль да предмет дене эртаралтеш.
Марий Эл Республикысе да вес регионысо школлаште 8-11 класслаште тунемше-влакым марий йылме да литератур ден олимпиадыш ушнаш ӱжына.
Олимпиаде марий (олык- да курыкмарий) йылме да литератур дене лиеш.
Сеҥыше да призёр-влаклан «Волгатехыш» тунемаш пурымышт годым («Социальная работа», «Реклама и связь с общественностью», «Туризм» направленийлашке) ешартыш 5 баллым шотлат.
Олимпиаде кок этап дене лиеш:
– 2022 ий 10 ноябрь гыч 2023 ий 10 январь марте Moodle платформышто дистанционно эртыман;
– 2023 ий февральыште, тергымашым эртарыше ВУЗ-ын базовый площадкыште. Олимпиадын сайтыштыже тергымаш пашан демоверсийжым ончалаш лиеш.