Марий кас, Марий кас,
Тый улат мыланна Шерге кас.
Марий кас, Марий кас,
Тек лият эре вучымо кас…
Лач тыгай девиз дене 11 ноябрьыште Шлань кундемыште Марий кас гӱжлен. Тушко пошкудо клубла, школла гыч толыныт. А Унчо тоштер нерген ойлыманат огыл, Алексей Иванов шкеак гармонь дене шокталтен колтыш. Ик марий касыш кум гармоньчо погынен. Тидланже ӧраш веле кодеш.
Мыланнат, Кораксола тӱвыра пӧртын пашаеҥже-влаклан, Шлань мландыште мӱгыралтын эртыше Марий касыште лияш пиал шыргыжале.
Шлань кундемысе тӱвыра пашаеҥ-влаклан тыгай сай Марий каслан да мемнам тыге шокшын вашлиймылан уло чон гыч лекше тау мутнам каласена да шкенан декат унала вучена.
Елена Григорьева, Кораксола тӱвыра пӧрт вуйлатыше.
Снимкыште: Шлань тӱвыра пӧртыштӧ Марий кас гӱжла.
