Школышто тӱҥалтыш класслам 22 ий туныкта

Марианна СУАРМЕТОВА, Татарстан кундем, Актаныш район, Йӱштӧ Памаш ял:

– Мыйын авам Алина Петрова Актаныш районысо Йӱштӧ Памаш ялеш шочын-кушкын. Тиде ялышкак марлан лектын. Ачам дене пырля кум йочам ончен куштат.
Авана Йӱштӧ Памаш школышто тӱҥалтыш класслам 22 ий туныкта. Тудо пеш ласка да ныжылге кумылан, эреак полшаш ямде. Авам кӱэшташ пеш йӧрата, а кочкышыжо пеш тутло лиеш. Ме тудым пагалена, йӧратена, сурткӧргӧ сомылкам ышташ эре полшена.