Марий кундемын тӱрлӧ районыштыжо «Точка роста» рӱдерлам почыт.
Кужэҥер районышто тыгай шотан рӱдерым тений Йӱледӱр, Топкавлак селаласе да Шӱдымарий ялысе школлаште почаш палемдыме.
Чыла школышто физике, химий да биологий кабинетлам ачалыме: пластик окнам шындыме, пырдыжым, туврашым да кӱварым шотыш кондымо, линолеумым шарыме, у светильник-влакым вераҥдыме. Йӱледӱр школышто лабораторийын омсажым вашталтыме. Ӱстел ден пӱкеным, демонстрационынй шкафым, оборудованийлан келшыше ныл шкафым налме. Кабинетлаште у доскам сакыме, раковиным да смесительым вашталтыме. Топкавлак селасе школышто окналашке жалюзим сакыме.
Ачалыме пашам шукташ, светильникым, линолеумым да лакокрасочный материалым налаш чылаже 826675 тенге каен.
Медведево районысоо Пиясир ден Руш Кукмарий кыдалаш школлаштат естественно-научный да технический направлениян «Точка роста» рӱдерлам почыт. Тачылан ачалыме пашам мучашлыме.
Ремонтым ышташ 314800 теҥгем колтымо, мебельым налаш – 285200 теҥгем.
Тыгаяк рӱдерым Советский районысо Алексеевский ден Роҥго школлаште почыт. Кызыт тушто ачалыме пашам ыштен пытарыме. Тыгак пырдыжым чиялтыме, линолеумым вашталтыме, мебельым налме. Тидлан 1 млн теҥге каен.