М.Шкетан лӱмеш театрыште 9-12 ноябрьыште хореограф, режиссёр, перформер да современный куштымашлан туныктышо Александр Андрияшкинын мастер-классше-влак эртаралтыт.
Занятийлашке М.Шкетан лӱмеш театрын, Г.Константинов лӱмеш руш драмтеатрын, Телеграм-театрын артистше да И.С.Палантай лӱмеш тӱвыра да сымыктыш колледжын тунемшыже-влак коштыт. Тӱҥ шотышто практический занятий-влак лиедат, но теорийымат ушештарат.
Мастер-класс-влак «Шкетан YOUNG» проект почеш илышыш шыҥдаралтыт.