Кодшо каныш кечылаште М.Шкетан лӱмеш Марий национальный театрыште У.Шекспирын «Укрощение строптивой» пьесыж почеш тачысе жаплан келыштарен шындыме «Торешвате» постановкым ончыктышт.
Тудым марлашке 20 ий ончычак поэт Семён Николаев кусарен, но сценыш паша кызыт веле лектын. Мотор марий йылме, ойыртемалтше костюм-влак, йӧршеш ӧрыктарыше ситуаций-шамыч, залышке шумеш шуйнышо подиум, пӧръеҥым аклаш ӱжшӧ кужу монолог – шукыжо ончаш толшылан вучыдымо да ӧрыктарыше ыле. Тӱҥалтыште пуйто умылашат нелырак чучо. Но тиде вет –Шекспир! Пьесым режиссёр Роман Алексеев моткоч келыштарен шынден.
Тӱҥ роль-влакым кок состав модеш. Катаринам актрисе-влак Светлана Александрова ден Светлана Строганова келыштарат, Петруччом – Павел Ефимов ден Артем Асмаев.
Тендам спектакльышке вучат.
Ирина Степанова.