Йошкар-Оласе калыкым социально обслуживатлыме Комплексный рӱдер негызеш 3 ияш марте йоча-влаклан кӱлешан ӱзгарым прокатыш налме пункт почылтын.
Прокатыш налаш лийше ӱзгар спискыш кровать, коляске-трансформер, йолымбал ӱстел, пукшаш пӱкен, видеоняня, шезлонг, йӱштылаш ванный да ходунок-влак пурат, палдарат Марий Элысе калыкым социально аралыме да паша министерствыште. Арверым налшашлан илыме вер шот дене социальный обслуживаний Комплексный рӱдерлашке лекман манын палемдат.
Кӧ прокат пунктыш савырнен кертеш да мыняр жаплан мӧҥгышкӧ арверым налаш лийме нерген ссылке почеш ончен кертыда.
Марий Элысе калыкым социально аралыме да паша министерствын тӱшкаж гыч налме фото.