СВО кайыме верыш Марий Элысе салтак-шамычлан черетан гуманитарный полышым погымашке ятыр поро еҥ ушнен.
Вашке салтак да фронт воктенысе кумдыкышто тыныс илышым илыше еҥ-шамычлан ныл кугу машина полыш миен шуэш. Полышым военнослужащий-шамычын йодмышт почеш чумыреныт да поро кумылым ончыктышо «За Марий Эл» фондлан конден пуеныт. Нунын йодмышт почеш, огнетушительым, саҥгаш чийыме да светодиодный фонарикым, металл гыч ыштыме канистрым, окопысо сортам, кочкыш да медицине сатум погеныт. Тыгак 11 внедорожникым, гидроциклым, мотоциклым, квадрокоптерым, пиломатериалым, генераторым, вӱдым колтеныт. Землякна-шамычлан лишыл еҥышт-влак посна посылкым чумыреныт.
Поро паша кажне чонан еҥым ты сомыллан кумылаҥда. Лач икоян лийын шкенан-влаклан сеҥымашым лишемдаш полшен кертына.
Йошкар-Оласе администрацийын ВК-се тӱшкаж гыч налме фото.