Курчак гай чатката капкылан актрисылан, 45 ийым эртымекыжат, самырык ӱдырым, йочам да йомаклаште изирак янлык-влакым ончыкташ логалеш. Тудо кызытат школыш коштшо але 18 ияш ӱдыр, Мераҥ, Коля але Изирак лудиге…Тыге Марий Элын сулло артисткыже Любовь Купсольцева нерген каласаш лиеш.
Ты виян да мудреч койышым погышо актрисе театрыш коштшо еҥ-влаклан тӱрлӧ роль дене шарналт кодеш. Любан лӱмжым каласат гын, эн ончычак шинчаончылнем Айвика («Айвика»), Эрвика («Онарын кердыже»), Шымавий («Яндар ден Шымавий»), Оля («Пӧртыл, ӱдырем!..) сӱретлалтыт. А вара, сценыш лектын, шке возымо «Кӱдыроҥгыр» мурыжым муралта. Йӱкшӧ вичкыж, но калык чоным сымыстарыше.
– Любовь, уло илышет усталык паша дене кылдалтын манаш лиеш мо?
– Илышыштем усталык шотышто кӱрылтыш лийын огыл. Концертыш ӱжыныт гын, каенам. Марий самырык театр шочмылан 30 ий темеш, а тушто икымше постановкыла годсекак модам. Кум ийым гына «МЭТР» телеканалыште вӱдышылан пашам ыштенам. Тунам эше Йошкар-Ола епархийысе Православий рӱдерыште тыршенам.
– Вес вере пашам ыштымаш, мутат уке, кӱлешан опыт…
– Илыш нерген шонымашетат вестӱрлемын докан?
– Тыланет режиссёр-влак тӱҥ рольым ӱшанат, модметым кажне гаяк у спектакльыште ужына. Кажне гана у образым ыштыме годым могай корно дене кает? Але иктаж-кӧлан эҥертет?
– Кызытат ончычсо семынак самырык ӱдырым келыштарет, Лумӱдыр улат, чыла гаяк йомакыште модат.
– «Шкет кукун мурыжо» спектакльыште мурызым модат. Тушто тыйын нерген ойлалтеш манын шоналтен отыл?
– Ик спектакль почеш весым ончыкташ логалеш, рольымат тунемман, ешыштат тӱрлӧ сомылым ворандарыман. Кузе шуктет?
…
– Эн кугу сеҥымашлан мом шотлет?
– Шукерте огыл паша гыч кайыме годым ик пӧръеҥ чарен шогалтен да ойла: «Те вет Любовь Купсольцева улыда? Мый шарнем: те Островскийын «На всякого мудреца довольно простоты» спектакльыште Машенькам модында, а Августа Романова тендан кокада ыле». Тидлан ынде 20 ият эртен, а тудо шарна. Весе «Ава шӱм» спектакльыште Ольган образшым чоҥымылан тауштен. Йӱдвелыште илыше ик пӧръеҥ «Мурет илен лекташ полшен» манын. Южо еҥ йыҥгыртен таушта. Тиде – мыланем эн тӱҥ, а марий калыкемлан шкешотан надыр.
Нине да моло йодышлан Марий Элын сулло артисткыже Любовь Купсольцева кузе вашештен?
ТИЧМАШ текстым «Куганря» газетыште (2021 ий 5 ноябрь) лудса.