Йошкар-Олаште илыше 58 ияш ӱдырамаш Интернетыште инвестиций йӧн дене ешартыш оксам ыштен налаш лийме нерген рекламым ужын да сайтыште шке данныйжым коден. Икмыняр жап гыч тудлан мессенджерышкыже финансовый специалист лӱм дене возен колтеныт. Темлымыж почеш ӱдырамаш палемдыме счётыш инвестиций семын 900 тӱжем наре теҥгем колтен. Оксам пӧртылтен кертын огылат, ондалалтмыж нерген умылен.
Тылеч вара ӱдырамаш Интернетыштак ондалалтше еҥ-влаклан полышым пуышо юрист нерген уверым ужын. Оксам пӧртылтымӧ амал дене «юристлан» эше 30 тӱжем теҥгем колтен, палдара Марий Элысе МВД.
Шкендам ондалаш ида пу!