15-27 августышто «Кичиер» санаторийыште «Марийское долголетие» проект дене «ший волонтёр-влакын» республикысе форумышт эртаралтын.
Форумыш республикын тӱрлӧ районжо гыч 100 утла еҥ толын.
Нуно 2021 ийыште МарГУ пелен почылтшо регионысо добровольческий «ший» рӱдерын участникышт улыт.
Форумыш толшо-влакым шинчымаш, тӱвыра, тазалык, спорт да туризм тӱшкалан пайленыт. Тукым кокла кылым пеҥгыдемдаш, тунемаш да спорт дене пеҥгыде кылым кучаш кумылаҥдаш манын, кажне группо кандаш мероприятийым шонен лукшаш улмаш.
Ямдылыме материалыштым умбакыже «Марийское долголетие» проектыште кучылташ тӱҥалыт.
Интернет гыч налме фото.